Bueltan da urteroko euskal kulturaren ekimen galduezinetako bat. Durangoko azokak urtero deskubritzen dizkigu euskal kultura arloko berritasun nagusiak eta baita gaboneko erosketekin lagundu ere! DA! 54. edizioan, azokaren mikro ekosisteman jarri du fokua Oier Zuñigak egindako kartelak eta abenduaren 5tik 9ra arte ospatuko da, betiko lekuan baina berrikuntza pare batekin. Alde batetik, Bime eta bestelako festibalen antzera jokatuz, DA! Pro egitasmoa aurkeztuko dute, non musikaren sektoreko sortzaile eta profesionalen arteko topaketa antolatuko dira. 264 erakusmahai egongo dira Landakon, 405 nobedaderekin: 273 liburu, 91 disko, 16 aldizkari... Lehenengo aldiz 30 urtez, erakusmahaiak berriztuko dira, irudi orokorra aldatuz. Ahotsenean Euskal Herri osoko 111 talde batuko dira, haien artean En tol sarmiento, Zetak edota Arkada Social. Zatoz itxura aldaketa hau ikustera eta euskal kulturaz gozatzera
