Ximun & Manex Fuchs anaiek Ander Lipusekin zuzendu dute antzezlana, eta bi anaiak izango dira baita agertokian aktore lanetan. Le Petit Theatre du Painek eta Artedramak Axut! kolketiboa osatzen dute. Bi aktore. Bi anaia. Eta zazpi istorio antzerkira ekarriak. Umore puntu batek ere ez baitu kalte egiten. Bizian bezala.
Nola aritu anaia, ahizpa, neba edo arreba ebatsia izan zaigunean? Presondegiak, auto istripuak edo gaixotasunak bete ezinezko hutsunea sentiarazten duenean, nola dirau gurea dugun gu horrek bizirik? Hala ere, antzerkiaren gaia ez da ETA, ez presondegia. Istorio gogor horien guztien arrakaletatik, «absentzia» izan da landu nahi izan duten ildoa.
