MARKArte Jaialdia: "Simplicissimus Kabaret" + "Zehar"

MARKArte Markina-Xemeingo I. Arte Eszenikoen Jaialdiaren barruan, urriaren 16an, ostirala, 21:00etan, "Simpliccisimus Kabaret" ikuskizuna eskainiko da Udal pilotalekuan. Sarrerak salgai Udaletxean, urriaren 5etik aurrera. Prezioa: 5 €.

Umorearen mugak aztertzen dituen kabareta da "Simplicissimus". Omenaldi bat da haien lana askatasun osoaz egin nahi izateagatik jazarpena sufritu eta sufritzen duten komikoei. Kabaret musikala ere bada, zuzenean antzeztu, kantatu eta jotzen duten musikari-aktoreekin.

Dramaturgia egilea: Patxo Telleria
Zuzendaritza: Jokin Oregi eta Patxo Telleria
Aktoreak: Patxo Telleria, Olatz Ganboa eta Getari Etxegarai
Musikari-aktorea: Adrian Garcia de los Ojos

MARKArte Markina-Xemeingo I. Arte Eszenikoen Jaialdiaren barruan, urriaren 17an, larunbata, "Zehar" ikuskizuna eskainiko da udal pilotalekuan. Sarrerak salgai Udaletxean, urriaren 5etik aurrera. Prezioa: 5 €

Itxura, emozio, bizipen eta ikasgai ezberdinetan zehar bidaia bat da "Zehar", zeinetan pertsona edo pertsonaia baten transformazioen lekuko izango garen. Bi fase osagarrietan moldatzen den proiektua da. Bizitzan, guztia, bi polo kontrajarrien arteko transizioan mugitzen den bezala, lan hau ere (t)artean dagoen zerbait da.

Zuzendaritza eta koreografia: Asier Zabaleta
Aktoreak: Asier Zabaleta, Iñar Sastre
Musika: Iñar Sastre