Aurten ere egingo dugu Ahostegunak: antzerkiaz, bertsoaz, kantuaz eta literaturaz gozatzeko saioak dira. Ostegunero egingo dira saioak urriaren 29tik azaroaren 26ra arte, UPV/EHUko Gipuzkoako campusaren ondoan dagoen Euskaltzaindiaren egoitzan – Tolare baserria -.
Egun bakoitzean, gainera, kultur diziplina horietako bakoitzean aditua eta aritua den lagun bat izango da taldearekin: Olatz Salvador, Erika Olaizola, Eli Pagola eta Odei Barroso eta Oier Guillan izango dira aurten.
18 eta 22 urte bitarteko gazteei egiten zaie parte hartzeko gonbidapena; urriaren 22ra arte eman ahal izango dute izena www.mintzola.eus atarian.
