ESKILARAPEKO SOINUAK: BIRKIT
Eskilarapeko soinuak formatu txikiko kontzertuen zikloaren barruan hirugarren txanda, azaroaren 26an, Birkit gasteiztarrarentzat izango da. Eorann eta Red Carmine taldeen kide ohiak, bakarkako ibilbide itzela darama 2017. urtean emen izeneko lehen bakarkako lana auto-editatu zuenetik, gitarra elektriko hutsean eta Iñaki Alonsok Gasteizko Sonora estudioan grabatuta. Emakumezko bakarlari eta talde atzerritarren folk eta rock independentetik edandako eraginek, aintzinako noise eta melodia baratzekin bat egiteaz gain, Birkitek euskal kantagintzarako senarekin konbinatzen du. Dasta esazu.
